മലയാളക്കരയാകെ കാത്തിരുന്ന ഇതിഹാസചിത്രം പഴശ്ശിരാജ സെപ്റ്റംബര് 18ന് പ്രദര്ശനശാലകളിലെത്തും.റംസാന് റിലീസ് നിശ്ചയിച്ചിരുന്ന പഴശിരാജ സെന്സറിങ്ങിന് എ ത്തി.
ഓസ്കര് അവാര്ഡ് ജേതാവ് റസൂല് പൂക്കുട്ടി ശബ്ദമിശ്രണം നിര്വഹിച്ച ഈ സിനിമയില് മമ്മൂട്ടിയാണ് പഴശ്ശിരാജയുടെ വേഷത്തില് എത്തുന്നത്.ഒരു വടക്കന് വീരഗാഥയ്ക്ക് ശേഷം മമ്മൂട്ടി - ഹരിഹരന് - എംടി ടീം വീണ്ടും ഒരുമിച്ച ചിത്രമാണിത്.
പഴശ്ശിരാജയില് കനിഹയും പദ്മപ്രിയയുമാണ് നായികമാര്. ഈ ചിത്രത്തില് തമിഴകത്തെ സുപ്രീം സ്റ്റാര് ശരത് കുമാര് എടച്ചേന കുങ്കന് എന്ന കഥാപാത്രത്തെ അവതരിപ്പിക്കുന്നു.തെന്നിന്ത്യയിലെ മികച്ച താരം സുമനാണ് പഴശ്ശിരാജയില് വില്ലനാകുന്നത്. പഴയംവീടന് ചന്തു എന്നാണ് സുമന്റെ കഥാപാത്രത്തിന്റെ പേര്.ഇവരെ കൂടാതെ മനോജ് കെ ജയന്, സുരേഷ് കൃഷ്ണ, തിലകന്, ജഗതി ശ്രീകുമാര് തുടങ്ങിയവരും ഈ ചിത്രത്തില് സുപ്രധാന കഥാപാത്രങ്ങളെ അവതരിപ്പിക്കുന്നുണ്ട്.
രണ്ടുവര്ഷം മുന്പായിരുന്നു ഇതിന്റെ ചിത്രീകരണം ആരംഭിച്ചത്.
ഗോകുലം ഫിലിംസിന്റെ ബാനറില് ഗോകുലം ഗോപാലന് നിര്മ്മിക്കുന്ന ഈ ചിത്രത്തിന്റെ ആകെ ചെലവ് 26 കോടിരൂപയാണ് .ഏറ്റവുമധികം സെന്ററുകളില് പ്രദര്ശനത്തിനെത്തുന്ന സിനിമ എന്ന സവിശേഷതയും ഈ ചിത്രത്തിനുണ്ട് . 525 ലധികം സെന്റുകളിലാണ് ഇത് പ്രദര്ശിപ്പിക്കുന്നത്.
ഒ എന് വി കുറുപ്പിന്റെ വരികള്ക്ക് ഇളയരാജയാണ് സംഗീതം നല്കിയിരിക്കുന്നത്. രണ്ടുവര്ഷം മുന്പു ചിത്രീകരണം ആരംഭിച്ച ഈ ബിഗ്ബജറ്റ് ചിത്രത്തിനു വേണ്ടി കേരളക്കരയാകെ ആകാംക്ഷയോടെ കാത്തിരിക്കുകയാണ്
No comments:
Post a Comment